Rreth 30 persona kanë mbetur të vrarë pas bombardimeve mëngjesin e sotëm nga forcat qeveritare siriane në bashkëpunim me ato ruse. Sipas një vëzhguesi të luftës të gjithë viktimat i përkasin bastionit të fundit të rebelëve.
Në mesin e tyre ishin 6 fëmijë dhe 3 civilë të tjerë. Ata o goditën nga avionët e ushtrisë siriane në fshatin Abin Semaan të provincës së Aleppo-s.
Ngjarja e sotme është në vijim të bombardimeve të djeshme në Idlib dhe Aleppo, ku u vranë të paktën 20 vetë.
Deri tani kanë humbur jetën rreth 350 civilë, teksa rreth 600 mijë të tjerë janë zhvendosur nga shtëpitë e tyre pranë kufirit me Turqinë.
Kombet e Bashkuara dhe organizatat humanitare kanë bërë thirrje për ndërprerje të luftimeve, duke paralajmëruar se bombardimet mund të shkaktojnë krizë të rëndë humanitare.
