Në takimin me ish-krerët e shtetit shqiptar, Bajram Begaj është shprehur se “mësimet e vyera të atyre që kanë qenë më parë në Presidencë, duhen mbajtur parasysh”. Tashmë është zbardhur mesazhi i Presidentit Bajram Begaj, dhënë sot në takimin me paraardhësit e tij, ish-Presidentët Alfred Moisiu, Bamir Topi dhe Rexhep Meidani.
Fjala e Begajt në takimin me Moisiun, Topin e Meidanin:
“Unë dëshiroj që kështu, së bashku, të kuvendojmë vëllazërisht për punët dhe sfidat e atdheut tonë. Koha kalon shpejt, askush nuk është i përjetshëm dhe asnjë detyrë shtetërore nuk është e pafundme.
Por mësimet e vyera të atyre që kanë kaluar më parë nga rruga jonë, duhen mbajtur parasysh sa më mirë dhe kur ke fatin që t’i kesh pranë ata, atëherë mund të gabosh më pak.
Eshtë një nder i madh për mua që të kem këshilltarë të tillë”.
Ish-shefi i shtabit të Përgjithshëm, emri i të cilit doli nga PS-ja, do të jetë pasardhësi i Ilir Metës dhe do të qëndrojë në krye të shtetit për pesë vitet e ardhshme.
