Në Zagreb të Kroacisë u mbajt Sesioni i Katërt i Asamblesë Parlamentare të Procesit të Bashkëpunimit të Evropës Juglindore (AP e SEECP-së), ku mori pjesë edhe Shqipëria. Shqipëria u përfaqësua nga deputetja e Partisë Socialiste, Esmeralda Shkjau.
Gjatë punimeve të Asamblesë Parlamentare të SEECP-se u miratua një Deklaratë e Përbashkët, të raporteve dhe rezoluta, te cilat kishin ne fokus ekonominë, sigurinë arsimin dhe thellimin e bashkëpunimit të vendeve të rajonit të Evropës Juglindore.
Gjatë Sesionit të Katërt, deputetja Esmeralda Shkjau, theksoi se Sesioni i Katërt i Asamblesë Parlamentare të SEECP-së, sjell një motivacion të ri për organizatën duke miratuar Deklarata dhe rezoluta për çështje që bashkojnë dhe rrisin bashkëpunimin e të gjithë vendeve tona”
“Dëshiroj të konfirmoj se Shqipëria mbështet vendosmërisht dhe mbetet e përkushtuar në forcimin e bashkëpunimit rajonal dhe heqjen e barrierave të të gjithë vendeve tona. Ne besojmë se një rajon të integruar në NATO dhe në BE, në një rajon ku nuk ka pengesa të lëvizjes së lirë të qytetarëve dhe tregtisë së lirë është thelbësore për të arritur paqen sociale dhe stabilitetin social ne rajon”- deklaroi deputetja, Esmeralda Shkjau.
Në këtë sesion morën pjesë delegacionet nga Shqipëria, Greqia, Rumania, Serbia, Kroacia, Sllovenia, Kosova, Moldavia, Bosnja dhe Hercegovina, Mali i Zi, Maqedonia, Bulgaria dhe Turqia. Presidenca e radhës e SEECP-se i kalon Sllovenisë.
