Festivali “FemFest” që bën bashkë artistet shqiptare, do të shënojë edicionin e parë në Tiranë. Festivali ka startuar më datë 5 mars, dhe do të zhvillohet deri më datë 8 të këtij muaji, e cila ka në fokus sensibilizimin e grave dhe vajzave, burrave dhe djemve, qytetarëve dhe vendim-marrësve për të ndryshuar realitetin.
“FemFest” do të vijë përmes shfaqjeve në skenën e Teatrit Kombëtar te “ArTurbina”, por dhe aktiviteteve në mjedise të tjera. “FemFest” ka për qëllim sensibilizimin e shoqërisë për ta ndryshuar realitetin në të cilin po jetojmë, duke synuar që gratë dhe vajzat të gëzojnë të drejtat e barabarta në çdo sferë të jetës.
Ky festival mbledh artiste e artistë, aktiviste e aktivistë, qytetarë që përmes debatit, ekspozitës, shfaqjes, këngës, sfilatës t’u japë zë problemeve që nuk fliten, zë atyre që nuk dëgjohen.
Pjesë e festivalit janë aktore të njohura si Margarita Xhepa, Luiza Xhuvani, Raimonda Bulku, që do të jenë në shfaqjet teatrore. Por dhe të ftuara si Vera Ora mjeke psikiatre, shkrimtarja Elvira Dones, etj.
