Gazetari Artan Hoxha deklaroi se kryeministri Edi Rama ka një stilist privat që kujdeset për pamjen e jashtme në daljet e tij publike. Gazetari investigativ e zbuloi këtë detaj në Abc Live. Hoxha tha se Rama ka një stilist personal, ku nuk mund të shkojë çdokush dhe përherë bën trend me veshjet e tij.
“Me Ramën mund të kemi shumë kritika, vesh rroba të kushtueshme. Ai ka një person që merret me veshjen e tij. Vetëm po ti biesh nga mbrapa veshjes, e kupton mirë që ajo ka një kosto”, tha Artan Hoxha.
Gjatë intervistës ai deklaroi se ligji i ri për amnistinë fiskale do të pastrojë paratë e korrupsionit. Gazetari shpjegoi se paraja e pistë në Shqipëri vjen nga korrupsioni dhe krimi i organizuar.
“Sipas raporteve, rreth 40% e parasë që qarkullon në Shqipëri është ilegale. Sot dy janë drejtime kryesore nga vjen paraja e paligjshme: është krimi dhe korrupsioni. Më rezulton që më shumë para të pisët përfitohet nga korrupsioni, por më shumë zhurmë bëhet nga krimi.
Trafikantët e sjellin paranë nga çdo vend i votës. Ndërsa korrupsioni vjedh paranë e ligjshme dhe i nxjerr jashtë në kompanisë ofshore. Midis këtyre dy të këqijave, kush është më pak e dëmshme?”, thotë gazetari, ndërsa shton se kjo amnisti po bëhet që të përfitojnë politikanët.
“Unë po mendoj që kjo po bëhet për të pastruar paratë e korrupsionit. Përfitojnë më shumë zyrtarët dhe politikanët e korruptuar nga amnistia fiskale”, tha ai.
