Lidhur me ekzekutimin e biznesmenit Guxim Gjyriçi në Tropojë, gazetari investigativ Artan Hoxha ka paralajmëruar se nesër do të publikojë një material të plotë filmik. I ftuar pasditen e sotme në “Abc News”, ai zbuloi fakte tronditëse për vrasjen e biznesmenit. Ngjarja e rëndë është shënuar më 5 janar, por deri më tani nuk ka asnjë person të dyshuar apo të ndaluar. Gazetari tha se “ekzekutori ka qenë vrasës profesionisht dhe ka qëlluar me pistoletë glock”. Kjo ngjarje është lënë në hije dhe është nënvlerësuar nga institucionet ligjzbatuese”, u shpreh gazetari.
“Viktima qëndroi rreth 40 minuta i shtrirë në tokë, pasi ishte qëlluar me 13 plumba”, tha më tej ai. Gazetari shtoi më tej se biznesmeni nuk kishte asnjë lidhje me krimin.
“Apeli që bëj unë, është të ndërpresin zinxhirin e vrasjeve. Ai që u vra në Tropojë, nuk kishte asnjë lidhje me krimin. Kishte shkuar në lokal, kishte pirë kafen dhe ishte nisur me duar në xhepa në shtëpi. Ekzekutori i Tropojës ishte profesionist. Nesër do publikoj videon”.
