Gazetari Artan Hoxha tha sot se destinacioni final i kokainës së Durrësit ishte Gjermania. I ftuar në studion e lajmeve në RTSH 1, Hoxha deklaroi se Gjermania është vendi më i madh i BE-së që ka dhe tregun më të madh që mund të asimilojë ngarkesa të tilla.
Theksojmë se Policia e Shtetit ende nuk e ka zbuluar destinacionin e kokainës së sekuestruar në Maminas, mëngjesin e ditës së sotme, e cila kapte vlerën e 180 milionë eurove.
“Destinacioni final nga informacionet që unë kam deri tani është Gjermania, vendi më i madh i BE që ka dhe tregun më të madh që mund të asimilojë ngarkesa të tilla. Por edhe në Gjermani futja e një sasie kaq të madhe kokainë sigurisht që ka vënë në alarm shërbimet inteligjente të atij vendi dhe besj se aty ka nisur lëvizja” deklaroi Artan Hoxha.
