Akademiku Artan Fuga, me anë të një letre publike të ndarë me të gjithë qytetarët në Facebook, i ka kërkuar presidentit Ilir Meta dhe kryeministrit Edi Rama që të shkarkojnë ministren e Arsimit, Besa Shahini.
Për Fugën, deklaratat e saj për shkrirjen e Akademisë së Shkencave dhe krijimin e një institucioni të përbashkët me vendet e rajonit, si Malin e Zi dhe Maqedoninë e Veriut, është një provokim absurd, dhe në shkelje të Kushtetutës së vendit.
Ndodhur në këto kushte, Fuga fton autoritetet që kanë përgjegjësinë kryesore për ruajtjen e sovranitetit të institucioneve publike të vendit, “ta thërrisni për sqarime publike këtë antare të qeverisë, dhe nëse ajo nuk akomodohet me Kushtetutën e Shqipërisë, me platformën ligjore të qeverisë, të realizoni shkarkimin e saj pa humbur kohë!”, shkruan ai më tej.
