Teksa ngritja e Gjykatës Kushtetuese ka futur sërish në përplasje institucionet e shtetit, Arta Vorpsi ka bërë lëvizjen e radhës. Ajo ka bërë betimin si anëtare në Gjykatën Kushtetuese, jo tek Presidenti i Republikës, por tek noterja.
Betimi i gjyqtares Arta Vorpsi është kryer pranë noteres Eda Vorpsi, pasi kreu i Shtetit la të kuptohet se nuk do ta betonte Vorpsin si anëtare të Kushtetueses, me pretendimin se janë shkelur procedurat dhe Kushtetuta nga KED-ja.
“Me dorën mbi Kushtetutë, betohem. Betohem se gjatë detyrës do t’i qëndroj besnike Kushtetutës”, është shprehur Arta Vorpsi, para noteres.
Gjykata Kushtetuese tashmë ka 6 anëtarë. Pas Vitore Tushës, e cila qëndroi në detyrë pasi kaloi të gjitha fazat e Vettingun, janë emëruar dhe 5 anëtarë të rinj.
