Pas lëvizjeve të disa drejtuesve të prokurorive, Prokurorja e Përgjithshme e Përkohshme Arta Marku ka ndërmarrë një tjetër vendim për organin e akuzës në vend. Marku ka urdhëruar ngritjen e një grupi pune për procedimet disiplinore të prokurorëve. Me ndryshimet e reja ligjore, kryeprokurores i jepet e drejta për procedime disiplinore të prokurorëve, për shkelje në punën e tyre.
Grupi i punës po nën gati draftin dhe do fillojë inspektimin nga Prokuroria e përgjithshme dhe më gjerë
Grupi i punës do të bëjë verifikimet e shkeljeve në punën e prokurorëve, duke inspektuar kështu punën në të gjitha prokuroritë. Pas verifikimit mund të nisë edhe procedimi disiplinor për shkeljet e prokurorëve, shkruan BW.
Thuhet se përfaqësuesit e Komisionit të Pavarur të Kualifikimit nisin hedhjen e shortit për prokurorët e Prokurorisë së Përgjithshme për efekt të vettingut.
Komisionerët do të përzgjedhin nga 5 dosje për secilin nga përfaqësuesit e akuzës.
Shorti që do të hidhet për të 11 prokurorët mësohet se po ndiqet nga kreu i Komisionit të Pavarur të Kualifikimit, Genta Bungo.
Po ashtu mësohet se në fund të muajit pritet të publikohen dhe rezultatet e para për dosjet që tashmë kanë hyrë në procesin e verifikimit prej muajit dhjetor.
Emrat e prokurorëve në short:
Artur Selmani, Kosta Beluri, Arqile Koça, Adnand Xholi, Thoma Jano, Arben Kraja, Anila Leka, Sokol Stojani
