Evertoni është shpartalluar nga Arsenal në fushën e tij me një rezultat 2-5. Në fillim u krijua idea që blutë e Koeman do ta dominonin sfidën pas atij supergoli që shënon Rooney, por gjithçka merr kthesë në minutën e 40’ pas barazimit të Nacho Monreal. Pjesa e dytë ishte dramë për Everton, pasi ndjeu presionin e kundërshtarit që ishin më të motivuar për ta fituar ndeshjen dhe ia arritën.
Golin e përmbysjes e shënoi Ozil, i cili asistoi edhe për Lacazette që e dërgoi rezultatin në 1-3. Më pas është Ramsey që shënon për topçinjtë, ndërsa për Everton shënon Niasse në minutat shtesë për të shkurtuar diferencën në 2-4.
Por një marshim në zonë i Sanchez në sekondat e fundit bëri që të shënonte dhe ai dhe të fundoste Evertonin. Pas kësaj humbje dhe ecurisë së dobët që ka pasur në të gjitha kompeticionet ekipi i Everton, rreziku që holandezi i pankinës, Ronald Koeman rrezikon shkarkimin. Me këtë fitore Arsenal qëndron në vendin e 5 me pikë të barabarta me Chelsean e vendit të katërt, ndërsa Everton qëndron në vendin e 18, me 8 pikë duke rrezikuar shumë për këtë sezon.
https://www.youtube.com/watch?v=uFFWOrJ5FQ0&ab_channel=GrandHighlightsHD
