Lideri i LSDM-së, Zoran Zaev, shprehet se është arritur marrëveshja mes LSDM-së dhe BDI-së për qeverinë e re për 4 vitet e ardhshme.
Pas takimit me Ali Ahmetin, Zaev theksoi se ai do të jetë kryeministër i vetëm i vendit për 4 vitet e plota të qeverisë LSDM-BDI, duke lënë të nënkuptohet se nuk do të ketë kryeministër shqiptar.
Zaev tha se marrëveshja e arritur mes dy liderëve sot do të duhet të kalojë edhe në kryesitë e partisë.
“Së bashku vendosëm që lufta kundër COVID-19 duhet të mbetet prioritet i parë kryesorë në sistemin shëndetësorë. Do të shfuqizohet qeveria e Përzhinos. Do të punohet në reformat e kërkuara nga BE”, tha ai.
