Sport

Arrihet marrëveshja, Balotelli zgjedh skuadrën ku do të vazhdojë karrierën

               Publikuar në : 15:28 - 17/08/19 user tir

Sulmuesi italian Mario Balotelli ishte në kërkim të një skuadre të re për të vazhduar karrierën e tij, dhe interesimet nuk mungonin.

Fillimisht u përfol se lojtari ishte shumë pranë kalimit te skuadra braziliane e Flamengos, por marrëveshja dështoi në momentet e fundit.

Megjithatë, aktualisht 29-vjeçari e ka zgjedhur skuadrën se ku do të vazhdojë karrierën e tij, pasi ka arritur marrëveshjen me Breshian.

Sipas “La Gazzetta dello Sport”, ditën e djeshme kishte një takim midis agjentit Mino Raiola dhe drejtuesve të klubit italian, dhe është arritur akordi, me Balotelli-n që tani do të kthehet në qytetin e tij të lindjes. Thuhet se sulmuesi italian do të përfitojë 1.5 milion euro në sezon plus bonuse, dhe do të nënshkruajë kontratë 1-vjeçare.

Kthehu
WhatsApp Denonco ne TT