Mediat botërore lajmërojnë se ish-ylli i futbollit botëror Ronaldinjo, është prangosur së bashku me vëllain e tij në Paraguai, pasi kishin hyrë në këtë shtet me pasaporta të falsifikuara.
Ministria e Brendshme e Paraguait ka konfirmuar se 39-vjeçari, i cili fitoi Kupën e Botës me Brazilin në 2002-in, u arrestua në “Resort Yacht & Golf Club Paraguayo”, së bashku me vëllain e tij Roberto natën e së mërkurës.
Ish-kampioni i botës me Brazilin në vitin 2002, kishte manipuluar kombësinë në pasaportë duke u identifikuar si paraguajan.
Ai ishte ftuar nga një biznesmen për të marrë pjesë në përurimin e kazinosë që do të çelej nga ky i fundit.
Prej disa vitesh, ish-ylli i Barcelonës ka patur probleme me ligjin në atdhe për shkak të dhunimit të mjedisit, duke kryer peshkim të paligjshëm (rast i vitit 2018) si dhe përsa i përket evazionit fiskal.
