Policia e Tiranës ka arrestuar përmbaruesin privat gjyqësor Fatos Alimadhi për vjedhje duke shpërdoruar detyrën. 50-vjeçari u arrestua pas një pune hetimore prej 7 muajsh të Policisë së Tiranës në bashkëpunim me Prokurorinë e Rrethit Gjyqësor Tiranë.
Fatos Alimadhi ka përfituar 32.255 Euro përmes vjedhjes dyke shpërdoruar detyrën. Gjithashtu Përmbaruesi gjyqësor i është shmangur hetimit duke zhdukur dosjen përmbarimore në lidhje me shitjen e një apartamenti.
Në ankandin e dytë, në bazë të ligjit duhet të shitej me vlerë 20% më i ulët se ankandi i pari, por ky apartament është shitur disa herë më ulët se kjo vlerë që parashikon ligji, duke bërë që përmbaruesi të përfitonte shumën prej 32.255 euro.
