Autorin që qëlloi me armë zjarri në drejtim të një automjeti mbrëmjen e 27 korrikut në fshatin Poravë të Fushë Arrezit është arrestuar sot nga Policia e Pukës.
Sipas informacioneve të policisë, në pranga u vu Lekë Ndou 49 vjeç, i cili qëlloi me armë zjarri, në drejtim të mjetit me targa AA 982 MG.
“Nga tërësia e veprimeve hetimore dhe informacionet e grumbulluara, rezulton se ngjarja ka ndodhur për motive të dobëta, pasi shtetasi T. P. është konfliktuar me shtetasin Lekë Ndou disa kohë më parë, ku ky i fundit ka qëlluar me armë zjarri në drejtim të automjetit të shtetasit T. P”, sqaroi policia.
Materialet do i referohen Prokurorisë së Rrethit Gjyqësor Pukë në ngarkim të këtij shtetasi për veprën penale “Vrasje e mbetur në tentativë në rrethana të tjera cilësuese”, parashikuar nga neni 79/Dh – 22 i Kodit Penal
