Mediat amerikane raportojnë se tre anëtarë të familjes mbretërore të Arabisë Saudite, përfshirë vëllain e mbretit, janë arrestuar për arsye të ende të pashpjeguara.
Arrestimet kanë qenë të lidhura me Princin e Kurorës, Mohamed bin Salman.
Në 2017 dhjetëra figura mbretërore të Arabisë Saudite, ministra dhe biznesmenë u ndaluan në hotelin Ritz-Carlton në Rijad, pasi princi i kurorës urdhëroi arrestimet e tyre.
Mohamed bin Salman u emërua princ i kurorës nga babai i tij në vitin 2016.
New York Times raporton se arrestimet janë bërë ditën e djeshme në mëngjes. Mësohet se 3 të arrestuarit janë: vëllai i mbretit Princi Ahmed bin Abdulaziz, ish-princi i kurorës Mohamed bin Nayef dhe një kushëri i tij mbretëror, Princi Nawaf bin Nayef.
Mohamed bin Nayef ishte ministër i Brendshëm, deri vitin 2017 kur u hoq nga posti dhe u vu nën arrest shtëpie nga Mohamed Bin Salman.
