Policia helene në Athinë ka shkatërruar një grup të shpërndarje së kokainës.
Kështu, në prangat e policisë kanë përfunduar 5 shqiptarë në zonën e Neas, Smirnit, Kalitheas dhe Larisas.
E ndërsa janë në kërkim dhe të dy shqiptarëve të tjerë, te arrestuarit janë të moshës 31-35 vjeç. Në mesin e të ndaluarve është edhe një femër. Nga ky operacion u sekuestruan 436 gramë kokainë, 300 gram përzierës, 2000 euro, 3 peshore, 2 pistoleta, 2 makina, 14 celulare.
Udhëheqësi i bandës ishte një 34-vjeçar, identiteti i të cilit nuk bëhet i ditur.
Ai ishte përgjegjës për gjetjen e sasive të kokainës dhe drejtonte anëtarët e tjerë në mënyrë që droga të ruhej në vende të përshtatshme.
