Katër shtetas shqiptarë kanë përfunduar në prangat e policisë italiane, pasi akuzohen për një seri vjedhjesh. Monedha nga 1 dhe 2 euro, steka cigaresh, ora dhe syze, këto janë objektet që u gjetën në një shtëpi në Ortona të Italisë.
Këto objekte i përkisnin shqiptarëve: Ervis Osmani, 34 vjeç dhe Alfons Bushi, 36 vjeç, të mbrojtur nga avokatët Marco dhe Raffaele Maietta. Gjithashtu u arrestuan edhe Mahmut e Artur Gega, përkatësisht 24 dhe 19 vjeç.
Hetuesi i ngjarjes Chieti Luca De Ninis ka urdhëruar masën e sigurisë të paraburgimit për 4 shqiptarët që jetojnë në Frosinone. Shqiptarët akuzohen se kanë kryer vjedhje, pasi ata u ndaluan fillimisht më 3 nëntor.
Më pas hetimet zbuluan një seri vjedhjesh, gjashtë, midis Ortona, Torrevecchia dhe Crecchio. Policia ka njoftuar se monedhat e gjetura në banesën e tyre bëjnë një total prej 1944 euro, të cilat vijnë nga automatët. Gjithashtu ata kanë vjedhur edhe instrumente muzikorë, vegla pune dhe të brendshme. (TIRANA TODAY)
