Kryeministri Edi Rama, ka reaguar edhe një herë me anë të një shënimi në Twitter, për rastin e Xhisiela Malokut, e cila është dhunuar nga djali i deputetit të PS-së Rrahman Rraja. Një ditë më parë është arrestuar Rexhep Rraja, 24-vjeç dhe ndaj tij është dhënë masa e sigurisë “arrest me burg”, akuzuar për dhunimin dhe përndjekjen e ish të dashurës Xhisiela Maloku.
“Arrestim fasadë”!Ja dhe një prurje e re e jashtënxjerrjes politike mbi vajzën e kthyer në mish për topat e dëshpërimit opozitar! Domethënës sulmi ndaj prokurorisë: Gratë prokurore s’janë as gra, as nëna, as vajza po bashkëpunëtore të krimit?Mjerë kush i beson këta të paudhë?
— Edi Rama (@ediramaal) October 1, 2018
Rama i është përgjigjur akuzave të PD që e konsideroi arrestimin e Rexhep Rrajës si truk për të mbyllur skandalin. Sipas kryeministrit, vajza po kthehet në mish për topat e dëshpërimit opozitar .
Statusi i Ramës në Twitter:
“Arrestim fasadë”!Ja dhe një prurje e re e jashtënxjerrjes politike mbi vajzën e kthyer në mish për topat e dëshpërimit opozitar! Domethënës sulmi ndaj prokurorisë: Gratë prokurore s’janë as gra, as nëna, as vajza po bashkëpunëtore të krimitMjerë kush i beson këta të paudhë
