Gjashtë palestinezë u arratisën nga një burg izraelit i sigurisë së lartë të hënën, tha policia dhe raportet e mediave izraelite i identifikuan ata si anëtarë të grupeve militante.
Pesë nga të burgosurit i përkisnin lëvizjes Xhihadi Islamik dhe njëri ishte një ish -komandant i një grupi të armatosur të lidhur me partinë kryesore Fatah.
Sipas raporteve, të gjashtë ishin shokë qelie, dhe arritën të dalin nga burgu përmes gërmimit të një tuneli që dilte jashtë rrethimit.
“Brenda natës, ne morëm një numër raportesh për figura të dyshimta në fushat bujqësore dhe nga shërbimi i burgut, të cilat zbuluan shumë shpejt se të burgosurit mungonin nga qelitë e tyre dhe se gjashtë u arratisën”, tha zëdhënësi i policisë kombëtare Eli Levy për Kan Radio.
Forcat e sigurisë po kërkonin për të burgosurit, dhe besuan se ata mund të përpiqeshin të arrinin në Bregun Perëndimor aty pranë, territorin e pushtuar nga Izraeli, ku Autoritetet Palestineze ushtrojnë vetëqeverisje të kufizuar, ose kufirin jordanez, tha ai.
Raportet e mediave izraelite identifikuan një nga të burgosurit e arratisur si Zakaria Zubeidi, një ish-komandant i Brigadave të Dëshmorëve Al Aqsa të Fatahut, në qytetin Jenin të Bregut Perëndimor.
Brigadat kryen sulme vdekjeprurëse kundër izraelitëve gjatë një kryengritje palestineze 2000-2005.
Burimi i lajmit: swissinfo.ch. Përshtatur nga Tirana Today
