Vladimir Putin është i tmerruar nga fakti se mund të vritet si tirani libian Gaddafi në një revolucion, ndërsa protestat kanë përfshirë Rusinë për burgosjen e Alexei Navalny, ka thënë një ekspert.
Armiku i Putinit, Yuri Felshtinsky, i tha The Sun se trazirat e vazhdueshme e kanë bindur njeriun e fortë të Kremlinit se duhet më shumë shtypje dhe vrasje të kundërshtarëve për të shmangur të njëjtin fat të ashpër si lideri libian.
Putini po përballet me një nga sfidat më të mëdha të qeverisjes së tij 20 vjeçare ndërsa mijëra mbështetës të figurës së opozitës Navalny kanë dalë në rrugë. 68-vjeçari, i cili ka mbajtur një kontroll të hekurt ndaj Rusisë për njëzet vjet, ka nënshkruar ligjet që e lejojnë atë të qëndrojë në pushtet deri të paktën 2036.
Felshtinsky tha se Putini ndjen se ai ka nevojë për të rritur brutalitetin për të shuar mospajtimin dhe për të mbrojtur pozicionin e tij. Felshtinsky pajtohet se Putini është i tmerruar që nëse do ta zgjidhte ndonjëherë kontrollin, atëherë një fund i ngjashëm i hidhur e pret atë.
“Saktë, këtë ai e di. Ai është mjaft i zgjuar për të ditur se sipas rregullave normale, sistemi i tij i qeverisjes nuk mund të ekzistojë. Ai nuk është një idealist. Ai e di se nuk ka asnjë mënyrë që të mbijetojë nëse nuk vazhdon të shtypë. Mësimi që Putini do të ketë marrë pas ngjarjeve të fundit është se ai duhet të kontrollojë më shumë dhe se duhet të shtypë më shumë. Dhe kjo është ajo që ne do të shohim. ”- tha ai.
