Pas provave të suksesshme të UEFA-s në Superkupën e Europës më 24 shtator, ku maksimumi i spektatorëve të lejuar ishte 30 % i kapacitetit të stadiumit, po mendohet që çdo ndeshje të jetë me të njëjtin kapacitet tifozësh nëpër stadium.
Por kjo nuk vlen për Armeninë. Problemi nuk qëndron te përhapja e pandemisë, por trazirat luftarake që po kalohen atje.
Më 7 tetor kombëtarja e Shqipërisë do të ndeshet me Armeninë dhe kjo përballje do të luhet pa tifozë.
Miqësorja u vu në dyshim fillimisht për shkak të trazirave, ndërsa Federata armene ka zyrtarizuar faktin se do të luhet me dyer të mbyllura.
Kuqezinjtë do ta përdorin këtë miqësore, përpara dy ndeshjeve kualifikuese në National Ligë kundër Kazakistanit më 11 tetor dhe Lituanisë më 14 tetor.
