Ish Sekretari amerikan i Mbrojtjes Donald Rumsfeld ka vdekur ditën e sotme në moshën 88-vjeçare. Njoftimin për vdekjen e Rumsfeld e ka bërë të ditur familja e tij me anë të një deklarate për mediat, shkruan CNBC.
“Me trishtim të thellë që ne ndajmë lajmin për vdekjen e Donald Rumsfeld, një shtetas amerikan, burr i përkushtuar, baba dhe gjysh. Në moshën 88 vjeç, ai ishte i rrethuar nga familja në New Mexico, ” thuhet në deklaratën e familjes.
Rumsfeld, shërbeu si Sekretar i Mbrojtjes në administratat Republikane të Presidentëve Gerald Ford dhe George W. Bush. Ai ka qënë Sekretar i Mbrojtjes edhe në kohën kur Pentagoni u sulmua në 11 Shtator 2001.
Gjatë sulmeve të 11 shtatorit, Rumsfeld drejtoi një sulm ushtarak amerikan mbi Afganistanin që çoi në rrëzimin e talebanëve, të cilët strehuan Osama bin Laden dhe udhëheqës të tjerë të al Kaidës.
Dy vjet më vonë, Rumsfeld mbikëqyri pushtimin amerikan të Irakut, një lëvizje që synonte largimin e Presidentit të atëhershëm Irakian Saddam Hussein.
