Gjykata e Posaçme ka kaluar për gjykim dosjen e ish-zv.ministres së Brendshme, Rovena Voda, duke pranuar kërkesën e SPAK. Në seancën paraprake, nëpërmjet avokatit të saj mbrojtës, Voda ka kërkuar gjykim të shkurtuar. Kërkesa e saj do shqyrtohet në seancën e parë ku Gjykata e Posaçme do vendosë nëse do e pranojë apo jo kërkesën e ish zv ministres. Nëse kërkesa e saj pranohet, atëherë ajo do përfitojë 1/3 e uljes së dënimit.
Sipas SPAK, ajo ka pranuar se ka patur përfitime materiale nga Florinda Beu dhe Majlinda Hasani, me qëllim që të ndikonte, tek zyrtarë të tjerë për ta punësuar në administratë. Beu me Hasani janë në masë sigurimi “arrest në shtëpie” për të njëjtën akuzë.
Sipas SPAK, në kohën kur ka qenë zëvendës ministre e Brendshme, Voda ka marrë para dhe dhurata nga një person për të ndikuar që të fitonte një pozicion pune në administratë. Sipas akuzës së SPAK, Voda kishte premtuar se do të ndërhynte për Florida Beun, por kjo e fundit edhe pse i dha 1 mijë euro, një celular dhe një arkë peshk, nuk arriti të fitonte vendin e punës.
Përgjimet
Florida: Më ngeli mendja mos donte më shumë kjo.
Majlinda: Moj ti je budalle edhe aq e ka shumë, rri urtë njëherë se po i hyj njëherë ta hap atë kokën ashtu si di vetë.
Florida: Kam hall se mos donte më shumë që të paktën të na vej në një vend tamam.
Majlinda: Ja thashë unë tashti e do iki prap t’ja them, dëgjo këtu se ajo pesëqind mijë lek do marri do nja dy vjet t’i laj këto që do ju japi juve jo vjen PD, PS e heq gocën i them, mos më çani ….. rri ti se flas vetë unë e hap gojën mirë.
Florida: Se di sa jepet në këto raste?
Majlinda: Mirë me e ke edhe dy do i japësh asaj..
Florida: Po pra tamam. Kam hall… mos ka prit nai dyshe.
Gjithashtu gjatë një përgjimi ambiental mes Majlinda Hasanit dhe Florida Beut, ato kanë biseduar për të blerë Vodës një celularë dhuratë, që do ia jepnin për 8 mars. Hasani i tregon që Rovena Voda nuk donte celular të markës iPhone, por Samsung.
Majlinda: Prit njëherë, ta bëjë, nuk jepen të gjitha përnjëherë, telefonin për “8 Mars” ishte shumë tha ajo e dëgjove, e dëgjove edhe për peshkun që i thash unë peshk deti të shtrenjtë.
Florida: E dëgjova, ai me të vret se një arkë që do i çojmë ne, do i them vëllait t’ja bëjë tamam, i shkon 300 mijë lekë pse ça kujton ti se është i lirë.
