Aritmia e zemrës ndodh kur impulset elektrike që koordinojnë rrahjet e zemrës nuk funksionojnë siç duhet. Për pasojë, ato shkaktojnë rrahje të çrregullta të zemrës, më të shpejta, ose më të ngadalta.
Aritmia nuk duhet neglizhuar, pasi pasojat mund të jenë mjaft të rënda. Prandaj, është mirë që ajo të trajtohet në mënyrë që rrahjet e zemrës të mbahen nën kontroll.
Cilat janë simptomat e aritmisë?
Shpesh, aritmia nuk shkakton asnjë simptomë, prandaj është mirë që të bëni një ekzaminim rutinë te mjeku.
Në raste të tjera, aritmia jep këto simptoma:
Mungesë rehatie në gjoks
Rrahje shumë të shpejta të zemrës (takikardi)
Rrahje të ngadalta të zemrës (bradikardi)
Dhimbje të kraharorit
Marrje fryme
Marrje mendsh
Djersitje
Plogështi ose gjendje të fikëti
Kur duhet të shkoni tek mjeku:
Duhet të paraqiteni menjëherë te mjeku, nëse keni probleme me frymëmarrjen, marramendje, plogështi, zbehje të fytyrës, gjendje të fikëti, apo dhimbje në pjesën e kraharorit, sidomos nëse i përjetoni shpesh këto simptoma.
Fibrilacioni ventrikular është një nga llojet më vdekjeprurëse të aritmisë, i cili ndodh kur zemra rreh me impulse elektrike të shpejta dhe të çrregullta.
Brenda pak sekondash, personit mund t’i bjerë të fikët dhe mund të mos ketë puls. Në këtë rast duhet njoftuar menjëherë urgjenca mjekësore.
