Këngëtarja e njohur Arilena Ara e cila bumin e saj artistik e pati fal këngës ‘Nëntori’ është kthyer në një nga personazhet më të famshëm jo vetëm në Shqipëri, por edhe jashtë trojeve tona.
Siç dihet kënga ‘Nëntori’ ka qenë një dedikim për babanë e ndjerë, i cili është larguar nga jeta në këtë muaj. Ajo përherë e ka treguar lidhjen e veçantë që ka pasur me babin e saj dhe me shumë siguri ai do të ishte shumë krenar me arritjet artistike të këngëtares
Ditën e sotme ai do të festonte ditëlindjen dhe Arilena ka zgjedhur që ta urojë me një video shumë të veçantë dhe një urim që ka përlotur të gjithë ndjekësit e saj.
Në videon e postuar pak minuta më parë nga këngëtarja, ajo shihet duke konkurruar në spektaklin e fëmijëve ‘Gjeniu i vogël’ dhe në një moment Arilena flet e emocionuar për babin e saj, i cili ishte i pranishëm në studio duke e ndjekur.
“Edhe njëherë t’më përqafoje babi… Gëzuar ditëlindjen në parajsë!”-shkruan Arilena pranë videos ku shihet babai i saj duke e përqafuar dhe duke gëzuar së bashku me të për suksesin e saj.
