Nuk mund të kalonte pa polemika dhe gabime të arbitrit ajo “El Clasico” e tensionuar që përjetuam të dielën në mbrëmje. Gjyqtari Hernandez është bërë protagonist me një karton të kuq për Sergio Roberto, por ka bërë edhe një sërë gabimesh që kanë ndikuar në rezultatin e ndeshjes.
Goli i dytë i Barcelonës nuk duhej që të konsiderohej i rregullt, pasi Luis Suarez bëri faull ndaj mbrojtësit rival Varane.
Kështu mendon eksperti i gazetës sportive spanjolle “AS”, Iturralde González, i cili gjithashtu mendon se gjyqtari i takimit gaboi edhe 2 minuta më pas. Në këtë rast në golin që iu anulua Barcelonës. Ivan Rakitic nuk ishte në pozicion jashtë loje.
Duhet thënë gjyqtari Hernández Hernández, bëri shumë gabime në këtë “El Calsico”. Një i tillë i rëndë ishte edhe në minutën e 76’, kur nuk vërshëlleu për një penallti të shkaktuar nga Jordi Alba në dëm të Marcelo-s.
Sipas González, gjyqtari ose duhet të jepte penallti, ose të ndëshkonte brazilianin për simulim. Por 11 metërshi ishte.
Por një tjetër episod i kontestuar ishte ai i minutës së 45’, kur Gareth Bale u fut keq ndaj mbrojtësit blaugrana Umtiti.
Uellsiani i ndërhyri ashpër nga pas me taka, por arbitri i takimit, nuk i dha as të verdhë. Për ekspertin e “AS”, është i kuq i pastër.
“Carrusel Deportivo” dhe “AS” bën me dije se frazat e yllit të Barcelonës kanë qenë këto: “Po e bën në brekë, po e bën në brekë, po e bën në brekë! Po i fal gjëra Realit”. Sergio Ramos e konfirmoi këtë lajm, duke thënë se Messi i foli arbitrit Hernandez Hernandez gati një minutë, edhe pse e kishte një karton të verdhë.
El Clasico përfundoi 2-2 dhe Reali nuk mundi t’ia prishë rekordin pa humbje Barcelonës, por humbi Cristiano Ronaldo, i cili u dëmtua në pjesën e parë dhe tani do të luftojë me kohën për të arrit në finale të Champions League.
