Tirana zhvilloi një ndeshje mjaft të mirë përballë Skënderbeut në Korçë, por në fund rezultati ishte barazim 1-1. Disa gabime të njëpasnjëshme të arbitrit të këtij takimi kanë ndikuar në këtë rezultat, pasi Radas ndaloi një top me dorë dhe ishte lojtari i fundit. Edhe pse ky gjest ndëshkohet me karton të kuq arbitri e kaloi me një të verdhë, po ky nuk ishte rasti i vetëm. Ka qenë ish-trajneri i Tiranës dhe Partizanit, Sulejman Starova i cili ka thumbuar bardheblutë në emisionin “Rubrikën Sportive” në RTSH.
“Tirana i ka objektivat për pjesën e sipërme të tabelës, dhe mundësitë i ka. Por, trajneri duhet të shohë se në këtë sezon, në pesë ndeshja ka shënuar 5 gola, por ka pësuar 6. Duhet ta analizojnë këtë defekt, pasi rivalët nuk e kanë. Një pikë është e mirë në Korçë, por fitorja do i jepte një tjetër moral për vazhdimin e kampionatit.
Por, duhet të them se edhe gabimet e arbitrit në dëm të Tiranës ishin të rënda. Rasti i Lulajt dhe topi me dorë i Radas ishin kartonë të kuq, por edhe pozicioni në fund i Balzhevskit nuk ishte jashtë loje. Kishte kohë që nuk gabohej në mënyrë të tillë në Superiore. Tirana as nuk flet dot kundër, e kuptoni apo jo? Ka frikë nga FSHF, si do flasë kundër…?” – u shpreh Starova.
