Thashethemet e fundit flasin për një largim të Arbana Osmanit nga “Top Channel”. Pak kohë më parë ajo pushtoi median rozë referuar romancës së saj të re dhe ndarjes nga bashkëshorti.
Ndonëse ajo nuk aprovoi këtë lidhje, komentet që vërshonin tek rrjetet sociale të partnerit të saj, linin një shenjë. Burime për ‘Newsbomb.al’ bënë me dije se pas 15 vitesh, Arbana Osmani nuk do të jetë më pjesë e ekranit të “Top Channel”. Moderatorja e “Dua të të bëj të lumtur” është larguar nga gjiganti mediatik, për shkak të një sherri me drejtorin Ben Blushi.
Ndërkohë, një reagim ka ardhur edhe nga mikja e saj më e mirë, Xhemi Shehu. Moderatorja e “Portokalli”-së ka publikuar një foto në Instastory, ku tregon se është duke ngrënë makarona me Arbanën.
“I fut një dorë makarana kur është robi pa punë”, shkruan ajo në diçiturë.
