Edhe pse situata e përmbytjeve po shkon drejt përmirësimit, duket se rreziku nuk ka kaluar ende.
Këtë herë është një familje nga fshati Gllavë e Vogël në Memaliaj, e cila kërkon ndihmë për një të sëmurë.
Mësohet se familja ka bërë apel që të ndërhyhet me helikopter nga ajri, pasi rruga e fshatit është e bllokuar tërësisht për shkak të përmbytjeve nga reshjet e dendura të shiut.
Mësohet se autoritetet janë sinjalizuar për rastin në fjalë, ndërsa i sëmuri është një 53-vjeçar që vuan nga problemet e zemrës.
