Të gjithë pasagjerët e prekur nga vonesat ose anulimet e fluturimeve të djeshme për nga Aeroporti Ndërkombëtar i Tiranës, për shkak të mjegullës së dendur, do t’i kryejnë brenda ditës së sotme, por me vonesa.
Lajmi është përcjellë nga Autoriteti i Aviacionit Civil (AAC), teksa ka ftuar qytetarët që të jenë të vëmendshëm, dhe të mbahen në kontakt me kompanitë ajrore përkatëse.
Në njoftim thuhet se pasagjerët duhet të presin udhëzimet nga kompanitë ajrore, dhe të zbatojnë oraret që do të marrin prej tyre, përpara se të nisen për në aeroport.
Njoftimi i Autoritetit të Aviacionit Civil (AAC)
Njoftim i rëndësishëm për të gjithë pasagjerët e prekur nga vonesat/anullimet e fluturimeve të datës 19 janar 2020, për shkak të motit të keq.
Njoftohen të gjithë pasagjerët e prekur nga vonesat/anullimet e fluturimeve të djeshme për/nga Aeroporti Ndërkombëtar i Tiranës, se për shkak të mjegullës së dendur, kompanitë ajrore Air Albania, Alitalia, Austrian Airlines, Albaëings, Air Serbia, Blue Panorama, Pegasus dhe Ëizz Air, do t’i kryejnë të gjitha fluturimet e vonuara/anulluara brenda ditës së sotme, por me vonesa.
Pasagjerët duhet të presin udhëzimet nga kompanitë ajrore dhe të zbatojnë oraret që do të marrin prej tyre, përpara se të nisen për në aeroport.
AAC informon publikun, se ngjarje të tilla të lidhura me kushtet të pazakonta të motit janë të pranueshme në industrinë e aviacionit, ku kryesore për pasagjerin mbetet siguria në operim.
