Përfundon supersfida e 1/8 në “EURO 2020”. Anglia ka thyer mallkimin 55-vjeçar dhe ka mundur Gjermaninë dhe ka siguruar kualifikimin në çerekfinale.
Pas 75 minutash lojë, ndoshta ndeshja më e mbyllur e Europianit, u zhbllokua. Stërling, ishte ai që pas një aksioni të bukur arriti të mposhtte portierin Nojer.
Grelish pasoi në të majtë për Shou, anësori anglez vendosi në mes një top të ulët, të shkëlqyeshëm, për Stërling: Ginter doli bosh, aty ku numri 10 nuk gaboi !!!
Në minutën e 81, Tomas Myler shpërdoroi i vetëm përballë portierit. Nuk iu besojnë syve gjermanët. Shansi më i artë i mundshëm.
a gente sabe o jogo é grande e que o clima no estádio tá maravilhoso quando a câmera (((treme))) mais que vara torta pic.twitter.com/taj6oHgShm
— joão abel (@joaoabel_) June 29, 2021
Kur mendohej se ndeshja do të përfundonte këtu, Anglia realizoi golin e qetësisë me Herri Kejn në minutën e 86. Pas një përgjumje të mbrojtjes gjermane, përfitojnë aty anglezët, Grilisht, asistoi për Kejnin, që nuk fal me kokë.
