Një avion pasagjerësh Airbus 380, i cilësuar edhe si avioni më i madh në botë për transportin e njerëzve, ka hasur probleme të mëdha në ulje për shkak të erërave të forta. Teksa Anglia është përfshirë nga erëra të forta që arrijnë deri në 68 km/ orë, avioni 400 tonësh e ka pasur shumë të vështirë uljen në aeroportin e Heathrow të Londrës.
Avioni që udhëtonte nga Abu Dhabi u detyrua të qëndronte pezull në ajër përpara momentit të uljes, pasi erërat e forta nuk e lejonin të krijonte kontakt me tokën.
Erërat e forta kanë vënë provë aftësitë e pilotëve, të cilët të përballur me situatën janë detyruar të manovrojnë për të shmangur ndonjë katastrofë. Në momentin e uljes avionin shihet duke u lëkundur deri në momentin e fundit të zbritjes.
https://youtu.be/H2bVUT68188
