Pandemia e koronavirusit tashmë ka hyrë në kulmin e saj. Ministria e Shëndetësisë njoftoi se në 24 orët e fundit, kanë ndërruar jetë si pasojë e Covid-19, 9 persona. Sakaq, 327 persona kanë rezultuar pozitiv me koronavirus në të gjithë vendin.
Anëtarja e Komitetit Teknik të Ekspertëve anti-covid, Mirela Cami tregoi në ‘Wake Up’ vatrat me të rrezikshme, ku 35% e rasteve janë në kryeqytet.
“Në Shqipëri aktualisht janë 500 vatra dhe 35 për qind janë në Tiranë. Të tjerat janë në Durrës, Kukës, Korçë, Shkodër. Këto janë vatrat më të shumta.
Zonat e rrezikshme në Tiranë janë zonat ku ka grumbullime masive të individëve, ose zonat me mbipopullim, në të cilat nuk respektohet distancimi social, janë me risk më të lartë”, sqaroi ekspertja.
