Me Ancelottin në krye, ja si do të duket Napoli i sezonit të ardhshëm

Duket se De Laurentis që të bindë Calo Ancelottin të marrë drejtimin e Napolit i ka bërë premtime të mëdha në merkato. Synimi i tyre është të rikthejnë ekipin e madh napolitan që di të fitojë edhe trofe. Mediat italiane kanë zbuluar se ish-trajneri i Bayernit kurrsesi nuk do të kënaqeshe vetëm me një pagë të mirë nga kontrata, për këtë arsye është diskutuar edhe për një merkato me 3-4 emra të mëdhenj.Në mbledhjen që ka zgjatur rreth 3 orë dhe që Ancelotti ka pranuar ofertën e De Laurentiis për të marrë drejtimin e Napolit, trajneri i ka kërkuar presidentit të afrojë 3 apo 4 emra me peshë në merkaton e verës. Dëshirat primare të Ancelottit janë dy, Karim Benzema për sulmin dhe Arturo Vidal për mesfushën. Dy objektiva deri diku të arritshëm duke patur parasysh faktin që sulmuesi francez dhe mesfushori kilian me shumë gjasa do të ndërrojnë skuadër në merkaton e kësaj vere.Një tjetër objektiv është Mario Balotelli i cili mund të afrohet me parametër zero ndërsa i vetmi lojtar i rëndësishëm që do të largohet nga të kaltrit do të jetë kapiteni Marek Hamsik për të cilin interesohet skuadra e Shandong Luneng në Kinë me Hamsik që pritet të përfitojë 40 milionë euro për 3 vite ndërsa De Laurentiis mund të arkëtojë 30 milionë euro nga shitja e tij.