“Nëse presidenti Trump më urdhëron, unë bëhem gati për një sulm nuklear drejtuar Kinës”…
Këto fjalë i tha Komandanti i Flotës Luftarake Detare të Paqësorit në SHBA, Admirali Scott Swift, në një konferencë sigurie të organizuar në Australi të enjten e kaluar.
Menjëherë pas kësaj zëdhënësi i Flotës Luftarake Detare, me frikën e krijimit të ndonjë tensioni, doli dhe bëri këtë korrigjim “kjo ishte një përgjigje që i jepet pyetjes ‘tej mase teorike’.”
Fjala doli nga goja, dhe nëse nuk është raketë nukleare, me siguri që e ka një kuptim. Edhe në politikën e brendshme të SHBA-ve, edhe në trekëndëshin Rusi-Kinë-SHBA.
Moska dhe Pekini kanë shumë dyshime në drejtim të njëra-tjetrës. Por, SHBA ngaqë përkulet mbi të dy superfuqitë ofron sfonde prodhuese në lidhjen Rusi-Kinë. Pritshmëria finale e SHBA-ve është të zbusë Kremlinin dhe ta përdorë si aleat kundër Kinës.
Por, SHBA është shumë larg qëllimit dhe për sot mund të themi që kanë ndodhur zhvillime të reja. Bashkëpunimi ushtarak mes Kinës dhe Rusisë sfidon hapur SHBA-në të cilën e kanë vendosur përballë…
Nëse SHBA-India-Rusia-Kina përplasen me njëra-tjetrën!
Forcat Detare të SHBA, Japonisë dhe Indisë mes datave 14-17 të këtij muaji bënë një stërvitje ushtarake në Gjirin e Bengalit. Të tre vendet erdhën me anije të fuqishme luftarake në këtë zonë të Oqeanit Indian e cila njihet dhe si gjeografia e krizës. (Tre anije avion mbajtëse, 16 anije luftarake, 2 nëndetëse dhe avion luftarak.) Stërvitja pa dyshim ishte kundër Kinës.
Kundërpërgjigja erdhi nga maja tjetër e kufirit të thyer politik që e pret diagonalisht botën; Rusia dhe Kina në 21-26 korrik bënë një stërvitje ushtarake në Detin Baltik. (10 anije luftarake dhe avion luftarak përfshirë dhe një destrojer të veçantë që mundëson mbrojtjen ajrore për anijet avion mbajtëse.)
Të dy superfuqitë e bënë këtë stërvitje ushtarake me anije të teknologjisë së fundit, por më e rëndësishmja; Kina për herë të parë shfaqi flamurin e saj në ujërat Baltike!
Deti Japonisë është kufiri mbrojtës i Kinës kundër aleancës SHBA-Japoni dhe deti Baltik është kufiri mbrojtës i Rusisë kundër NATO-s. Dalja për herë të parë në skenë e Forcave Detare Kineze në Detin Baltik, sipërfaqe e NATO-s, pa diskutim përfshinë dhe një simbolikë të lartë në qarkullimin e gjysmës së botës. Në këtë mënyrë Pekini i vihet kundër edhe Evropës!
S’ka dyshim; Kina dhe Rusia duke rritur influencat në Detin Baltik dhe Paqësor, po u tregojnë dhëmbët, dhëmbët që SHBA u ka treguar atyre më parë.
Për ku është nisur anija e re avion mbajtëse e Anglisë?
Ka një planëzim kohe që nevojitet të marrë në pyetje stërvitjen ushtarake Rusi-Kinë; Kryetari Shtetit Kinez Xi dhe Kryetari i Shtetit Rus Putin, a nuk dolën të kënaqur nga takimet me Presidentin e SHBA Trump në Samitin G-20 në Hamburg?
Presidenti Trump a nuk ishte i lumtur? Në 4 Korrik ndodhi një vizitë zyrtare; Presidenti Kinez Xi Jinping shkoi në Moskë. Në të njëjtën kohë Koreja e Veriut realizoi një test të raketës balistike dhe krijoi përsëri tensione. 4 Korriku në të njëjtën kohë ishte dhe “Dita e Pavarësisë!” së SHBA-ve.
Nëse e përmbledhim; Rusia, duke marrë mbështetje nga Kina kundër atyre që kanë ndodhur në arkitekturën e sigurisë evropiane, në lojë shton dhe një kartë tjetër që do të ndjekë me kujdes NATO-n. Edhe Kina shton kartën ruse në ekuilibrat Azi, Azi-Paqësor dhe Kore e Veriut kundër SHBA dhe ‘aleatëve të saj’.
Deklarata e Anglisë dje në ‘Australi’ se do të dërgonte menjëherë dy anije aeroplanmbajtëse në Detin e Kinës Veriore nuk ishin normale dhe të balancuara. Ajo që njeriut i shkon në mendje është ‘Kundër Kinës apo pranë Kinës’!
Rusia dhe Kina brenda dy viteve të fundit në operacionet e përbashkëta ose jo që kanë realizuar në Detin e Zi, Detin Mesdhe dhe Detin e Kinës së Veriut, madje edhe stërvitja ushtarake e Kinës me Iranin gjatë krizës Katar, e tregon mjaft mirë elektrizimin e forcës së ekuilibrave botëror.
Gazeta Yeni Safak, Nedret Ersanel/Tirana Today
