Analisti Endri Shabani në një lidhje telefonike nga Franca për emisionin “Tempora” në RTV Ora “kryqëzoi” me pyetjen e tij ministrin e Truizmit Blendi Klosi.
Shabani e ka pyetur se pse nuk jep dorëheqje kur në Shqipëri vdesin në vit 1400 veta nga ndotja. “Çfarë ju bën të qëndroni ministër e t’i jepni 6 milion euro një biznesi në Fier që të djegë plehrat, ndërkohë që këto para mund ti kishit përdorur për të pastruar ajrin që është i ndodhur ose të paktën ti kishit dhënë qytetarëve që të kuroheshin e shëroheshin. A ju vret ndërgjegjja për atë që po i bëni Shqipërisë?”, tha mes të tjerash analisti.
Pjesë nga biseda:
Endri Shabani: Çfarë ju motivon të merreni me politikë? Cili është motivimi i brendshëm për tu marrë me politikë? Sepse keni qenë ministër në vitin 2000, në atë kohë Shqipëria u njoh për herë të parë si vend kandidat për në BE dhe 19 vite më vonë ju vazhdoni të jeni ministër dhe Shqipëria vazhdon të presë një përgjigje që ti hapen negociatat. Vazhdojmë ti dëgjojmë këto përralla se do të bëhemi pjesë e BE-së.
Keni qenë ministër Kulture, por keni votuar pro prishjes së të vetmit Teatër Kombëtar që ne kemi në këtë vend. Keni qenë deputet i Durrësit, por nuk keni thënë asnjëherë një fjalë për betonizimin e rrënojave antike romake që ndoshta janë trashëgimia më me vlerë që kemi. Jeni ministër i turizmit të një vendi që nuk ka më asnjë plazh publik. Disa janë rrethuar me gardhe, disa me mure dhe pjesa tjetër janë zënë me shezllone. Jeni ministër i mjedisit i një prej vendeve më të ndotura në planet. Pse qëndroni ende ministër i mjedisit kur ju vdesin në vit 1400 veta nga ndotja. Vdesin më shumë njerëz në Shqipëri që nuk kemi asnjë fabrikë në këmbë sesa në vendet e industrializuara si Gjermania, Anglia, Britania. Kam përshtypjen se duhet të jeni i vetmi ministër i mjedisit në planet që keni votuar pro importit të plehrave nga jashtë dhe keni guxim shkoni nëpër lagje, pastroni nga dy-tre plehra aty dhe i bëni moral qytetarëve që të mos hedhin qese. Ca ju bën të qëndroni ministër e t’i jepni 6 milion euro një biznesi në Fier që të djegë plehrat, ndërkohë që këto para mund ti kishit përdorur për të pastruar ajrin që është i ndodhur ose të paktën ti kishit dhënë qytetarëve që të kuroheshin e shëroheshin. A ju vret ndërgjegjja për atë që po i bëni Shqipërisë?
Klosi: Patjetër. Sa i përket sistemit zgjedhor e ka votuar parlamenti shqiptar me konsensus të forcave politike. Mund të kishte edhe një element plus. atëherë u diskutua shumë ne si PS e kërkuam, por nuk e pranoi PD. Të kishte edhe sistem me prim. Siç e ka edhe Italia apo Greqia. Ka ndryshuar sistemi, mos prit të ketë më mazhorancë të vetme, që të ketë 51% të votave. Në 2017 ishte një votë plebishitare, për punën e mirë që kemi bërë, edhe unë si ministër i saj.
Ju jeni analist, por bën mirë që ca gjëra ti thoni më me elegancë. Sepse nuk bën mirë që nga Franca ku jeni ta bëni Shqipërinë një vend të ndodhur. Ndoshta është një vend i papastër, edhe është, por jo i ndotur dhe për këtë ju garantoj. Një vend i cili nuk prodhon ndotje është vendi i vetëm që ka energji 100% bio dhe është një vend që edhe në kohën që unë drejtoj këtë ministri, që prej 1 viti e gjymë kur ne e drejtojmë si PS këtë dikaster opinionin e njerëzve ta dëgjojmë dhe ta bëjmë pjesë të debatit tonë për shumë gjëra.
Ju garantoj që edhe politika është me eksperiencë, me rekorde performance. Unë përpiqem që aq sa jam në zyrë të bëj një gjë të mirë për vendin.
