Analisti Lorenc Vangjeli deklaron se Ankaraja ka gati 450 kërkesa për ekstradim të shtetasve turq nga Shqipëria. Në emisionin “Java” në RTSH, Vangjeli tha se nga informacionet e tij këta 450 shtetas turq me banim në Shqipëri akuzohen nga Ankaraja që i akuzon ata si mbështetës të klarikut Guilen.
“Shqipëria i ka refuzuar në heshtje këto kërkesa,” tha Vangjeli.
Ndërsa analisti Preç Zogaj tha se Erdogan mbetet në konflikt me Shqipërinë dhe Kosovën për këtë çështje.
“Kam përshtypjen se Presidenti i një vendi mik si Turqia, zoti Erdogan, është në keqkuptim të me dy kryeqytetet politike të shqiptarëve, me Tiranën dhe Prishtinën. Kërcënimet e tij kundër kryeministrit Haradinaj ishin të papranueshme. Besoj se në Tiranë i tundin kokën për oportunizëm, por Tirana nuk do të ekstradojë asnjë gylenist jashtë sintonisë me partnerët tanë perëndimorë, SHBA dhe vendet e BE-së”, – nënvizoi Zogaj.
