Analisti politik amerikan, Daniel Serwer, ka komentuar një nga temat më të ‘nxehta’ të Ballkanit, pikërisht çështjen e ndryshimit të kufijve mes Kosovës dhe Serbisë.
Në një prononcim për RTK, analisti amerikan tha se ndryshimi i kufijve nuk duhet të ndodhë.
“Nuk ka nevojë për një korrektim kufijsh. Çfarëdo ndryshimi kufijsh, përjashtimisht atyre të vegjël, është i rrezikshëm”, deklaroi analisti Daniel Serwer, që është edhe studiues në Qendrën për Marrëdhënie Transatlantike në Universitetin “Johns Hopkins”.
Serwer tha po ashtu se kudo që ka ndryshime kufijsh, ka telashe.
“Mendoj që kudo ku ka ndryshime kufijsh flet që vendet nuk janë në gjendje të bëjnë trajtimin e duhur për qytetarët pakicë. Kjo menjëherë iu diskualifikon nga anëtarësimi në BE. Pse doni ta nisni një proces drejt BE-së kur e diskualifikoni vetveten? Por, gjithashtu shkakton edhe probleme rajonale”, ka thënë ai.
