Një çift shqiptarësh që shkuan në Amerikë në vitin 2001, aktualisht po përballen me një situatë shumë të rëndë. Bashkëshortja e Ded Rranxburgaj, është e shtruar në një spital dhe po përballet me komplikacione dhe ka frikë se mund të ndërrojë jetë. Ndërkohë bashkëshorti i saj mund t’i qendrojë edhe pak ditë pranë, pasi autoritetet amerikane mund ta depërtojnë në Shqipëri për shkak të mungesës së dokumentacionit.
Gruaja e tij me emrin Flora, ndodhet në spital nga një infeksion serioz, ndërsa vuan edhe nga sëmundja e sklerozës. Ata emigruan në Amerikë me shpresën që do të përfitonin azil, pasi në vendin e origjinës ata vuanin një lloj persekutimi fetar. Ai ka treguar një biletë avioni që tregon se afatin e qëndrimit e ka deri në muajin janar dhe më pas do të depërtohet në Shqipëri. Ai tha se gjendja e tij është shumë e vështirë, transmeton Abc 7.
Këtë javë shqiptari duhet t’u tregonte autoriteteve doganore biletën, ose e priste arrestimi për shkak të mungesës së lejes së qëndrimit. Përgjigjen e hidhur se nuk përfitojnë azil, e kanë marrë që në vitin 2009.
Qëndrimi i çiftit shqiptar është lejuar deri tani për arsye humanitare, por Ded Rranxburgajt si kanë mbetur dhe shumë kohë në Amerikë. Me të marrë lajmin e hidhur, gjendja shëndetësore e gruas është përkeqësuar edhe më shumë.“Qeveria po më dëbon, ti e di se unë po e vrasë. Ti e di këtë, madje të gjithë e dinë”-tha për mediat shqiptari që pritet të dëbohet nga Amerika.
Nga ana tjetër qeveria ka treguar se çifti shqiptar kur ka mbërritur ne Amerikë nuk ka kaluar në të gjitha proceset ligjore, por nuk shpjeguan faktin pse nuk iu lejohet të qëndrojnë për shkak të arsyeve humanitare. Ded Rranxburgaj thotë se ai u përpoq të bëhej qytetar ligjor dhe i kishte ndjekur të gjitha urdhrat nga ICE. Ai ka pranuar se nuk do të jetë në gjendje të qëndrojë në vend për një kohë të gjatë.
Ai po kërkon që ai të lejohet të qëndrojë derisa gruaja e tij ka nevojë për të. Ajo është kaq e sëmurë sa që nuk do të lejohej që në avion të kthehej në Shqipëri, kështu që ajo nuk mund të depërtohej. Flora mbështetjen kryesore për shpenzimet mjekësore dhe përkujdesjen e ka tek burri i saj.
Ai thotë se ka punuar ligjërisht, paguan taksat e tij dhe paguan për të gjithë kujdesin mjekësor të gruas së tij. Prandaj, shprehet i trishtuar se kush do të kujdeset për gruan pasi të largohet nga Amerika.
“Për ta lënë gruan time të vdesë, kjo është shumë e vështirë për mua”, tha Rranxburgaj. Ai shprehet se i ka djemtë në shkollë të mesme dhe në kolegj. Ai thotë se nuk mund të kujdesen për veten dhe nënën e tyre financiarisht, por as fizikisht.
“Është shumë e dhimbshme, sepse nuk di ç’të bëj nëse babai im nuk është këtu”- tha djali Eric Rranxburgaj, 15 vjeç.
Avokati i tij ka deklaruar se nuk ka mocione që duhet të paraqiten për raste të tilla dhe as për ta luftuar për këtë. Shpresa e fundit është që publiku t’i kërkojë ligjvënësve që të tregohen më njerëzor për rastin në fjalë. TIRANA TODAY
