Ai është i njohur për personazhet e shumtë, që ka luajtur në filmat hollivudianë. Por Robert De Niro është aq shumë enigmatik mbi jetën e tij private, sa që as aktorët që kanë luajtur me të, nuk e njohin mirë.
Shkrimtari Shawn Levy, nxjerr disa sekrete të De Niros në librin biografik “De Niro: Një jetë”. Sipas Levy, De Niro në pamje të parë një natyrë e ndrojtur, e fsheh të kaluarën e tij për shkak të sekreteve të errëta.
Në kulmin e famës së tij, kur luante në filmin “Demi i tërbuar”, aktori vuante nga varësia ndaj kokainës, ndërsa miqësia me komedianin e njohur shqiptaro-amerikan John Belushi, pati një fund të hidhur.
Mësohet se aktori së gjatë viteve 1970-1980, ka pasur lidhje të shumta me femra me ngjyrë të cilat edhe i keqtrajtonte. Madje njërën prej tyre, e detyroi të abortonte kundër dëshirës së saj.
Në librin biografik aktori 75-vjeçar përshkruhet si një Kazanova, pasi i pëlqente të mbante disa lidhje njëkohësisht. Sipas Levy De Niro nuk ka pasur aftësinë për të pasur lidhje të gjata dhe të qëndrueshme me gratë, pasi edhe e ëma e tij kishte pasur të njëjtin stil jetese. Ndarjet e shpeshta të së ëmës, dhe të qenit një fëmijë i vetëm, bëri që De Niro të rritej pa miq dhe i vetmuar. Ironikisht, kjo është me gjasë arsyeja pse ai u bë një aktor i shkëlqyer.
