Ambasada Amerikane në Prishtinë ka përshëndetur zgjedhjen e Glauk Konjufcës si Kryetari i ri i Kuvendit.
Përmes një postimi në Facebook, ambasada kërkon nga dy liderët e partive kryesore në Kosovë, Albin Kurti dhe Isa Mustafa që të krijojnë sa më shpejt qeverinë.
“Ne mezi presim që të punojmë me qeverinë e re në çështjet e ngutshme që lidhen me paqen, drejtësinë dhe prosperitetin”, thuhet më tej në njoftim.
Postimi i plotë:
Ambasada e SHBA-së mirëpret konstituimin e Kuvendit të Kosovës dhe uron kryetarin Glauk Konjufca dhe anëtarët e tjerë të kryesisë së Kuvendit. Ne inkurajojmë liderët politikë që menjëherë të formojnë qeverinë e re, e cila duhet të angazhohet për të përmbushur premtimet e dhëna për votuesit. Ne mezi presim që të punojmë me qeverinë e re në çështjet e ngutshme që lidhen me paqen, drejtësinë dhe prosperitetin.
