Ambasadorja Yuri Kim është drejtuar sot për në ambientet e Prokurorisë së Posaçme SPAK. Yuri Kim ka zhvilluar një takim me kryetaren e këtij institucioni, Aida Hajnën. Deri më tani, ambasadorja Kim nuk ka publikuar asnjë detaj nga takimi, ndërkohë që vetëm pak ditë më parë takoi edhe kreun e SPAK, Arben Krajën.
Pas takimit me të, Kim shkruante se SPAK do të hetojë penalisht korrupsionin dhe krimin e organizuar pavarësisht sa i pasur, i fuqishëm apo cilës parti mund t’i përkasë, secili individ.
“U takova me kreun e SPAK, Arben Kraja, për të nënvizuar pritshmëritë e SHBA-së që SPAK-u do të ndjekë penalisht korrupsionin dhe krimin e organizuar, pavarësisht sa i fortë dhe i pasur është, pavarësisht secilës parti. Me më shumë prokurorë dhe hetues të BKH, SPAK po jep gjithnjë e më shumë sukses çdo ditë”, shprehej Kim.
