Jo vetëm nga qeveria që kanë shprehur shqetësimin për djegien e mandateve të kundërshtarëve të tyre, por edhe ndërkombëtarët mbeten në të njëjtën linjë. Apeli i radhës vjen nga ambasadori zvicerian, i cili nënvizon se me këto akte të dhunshme, opozita po i prish imazhin Shqipërisë.
Pas qëndrimeve të mbajtura nga ambasdaori i BE në Tiranë, si dhe ambasada e SHBA, ka ardhur dhe reagimi kumbues i ambasadorit të Zvicrës, Adrian Maitre.
Ambasadori zvicerian i ka bërë apel klasës politike që t’i rikthehet debatit, pasi po i prishin imazhin vendit.
“Imazhi i Shqipërisë do përmirësohej nëse forcat politike do bashkëpunonin me njëri-tjetrin. Imazhi i Shqipërisë nuk korrespondon me realitetin. Dialogu në Parlament ndihmon për të pasur një imazh pozitiv të vendit”.
Qëndrimi i tij është bërë publik gjatë fushatës ndërkombëtare dixhitale të Turizmit 2019, ku ishte i pranishëm dhe ambasadori i BE, Luigi Soreca, dhe ministri Blendi Klosi.
