Presidenti i Rusisë, Vladimir Putin ka zbardhur detaje nga takimi që zhvilloi me homologun e tij amerikan, Joe Biden ditën e sotme në Gjenevë.
Gjatë fjalës së tij në konferencën për mediat, Putin tha se ai dhe Biden kishin rënë dakord që ambasadorët e dy vendeve, duhet të ktheheshin në postet përkatëse dhe të rinisnin detyrat e tyre diplomatike, shkruan The Guardian.
“Ka disa çështje për të cilat nuk kemi rënë dakord. Ramë dakord që ambasadorët të kthehen në poste. Nuk ka patur armiqësi por kemi diferencë pozicionesh.”, tha Putin.
Putin u pyet nëse bisedimet midis tij dhe Joe Biden ishin të natyrës armiqësore.
Kreu i Kremlinit, këmbënguli se bisedimet nuk ishin armiqësore dhe ishin në fakt mjaft konstruktive, me të dy palët që treguan një gatishmëri për të kuptuar njëri-tjetrin, sipas përkthimit të komenteve të Putinit.
Putin shtoi se ai dhe Biden ranë dakord për të “filluar negociatat” për sigurinë kibernetike. Shtëpia e Bardhë kishte treguar që Biden do të ngrinte çështjen e sulmeve kibernetike të kohëve të fundit kundër korporatave të mëdha gjatë takimit të tij me Putin.
“Ne besojmë se hapësira kibernetike është jashtëzakonisht e rëndësishme” për të dy vendet, tha ai, duke treguar një sulm të fundit ndaj një sistemi tubacioni amerikan të naftës në Teksas dhe një sulm ndaj një sistemi shëndetësor në Rusi.
Vladimir Putin says “we agreed that we would begin consultations” with the U.S. over cyber security, following multiple attacks on U.S. firms by Russian-linked hackers. pic.twitter.com/0VjhTiGODf
— CBS Evening News (@CBSEveningNews) June 16, 2021
