Ambasada Amerikane në Tiranë, ka publikuar në rrjetet sociale disa pamje nga salla e re e gjyqit në vendin tonë, e financuar nga USAID. Me anë të një statusi në faqen zyrtare, thuhet se reformat e suksesshme në drejtësi mbështeten te gjyqtarët e rinj, që kanë marrë trajnimin e duhur.
Kjo është arsyeja pse USAID-i bashkëpunoi me Shkollën e Magjistraturës, për të ngritur një sallë moderne të gjyqit imitues. Ku në të mund të realizohen trajnime praktike dhe të bazuara në përvojën e drejtpërdrejtë të kandidatëve për gjyqtarë.
Statusi
Reformat e suksesshme në drejtësi mbështeten te gjyqtarët e rinj që kanë marrë trajnimin e duhur dhe janë të pajisur me mjetet e duhura për të bërë punën e tyre. Kjo është arsyeja pse USAID-i bashkëpunoi me Shkollën e Magjistraturës për të ngritur një sallë moderne të gjyqit imitues, ku mund të realizohen trajnime praktike dhe të bazuara në përvojën e drejtpërdrejtë të kandidatëve për gjyqtarë. Një sallë gjykimi e jashtëzakonshme dhe një menaxhim i mirë i procesit gjyqësor përbëjnë kompentencat thelbësore të një gjyqtari që e bën si duhet punën e tij. Bëni një vizitë virtuale në sallën e gjyqit, duke ndjekur videon mëposhtë! #ReformaNeDrejtesi #SundimiLigjit
