Pas lirimit të 11-vjeçarit shqiptar Alvin Berisha nga kampi “Al Hol”, ka ardhur edhe reagimi i kryeministrit Edi Rama.
Përmes një postimi në “Facebook”, Rama shkruan se operacioni për nxjerrjen e Alvinit nga kampi sirian ishte kompleks dhe i rrezikshëm.
Po ashtu, shefi i qeverisë ka hedhur edhe një foto të Alvini i cili shfaqet në shoqërinë e ministrit të Brendshëm, Sandër Lleshaj.
“Por për ne, përpjekja nuk mbyllet këtu, sepse fëmijë e gra nga Shqipëria vazhdojnë të jenë peng në kampin-burg prej ku arritëm të nxjerrim Alvinin…”, shkruan mes të tjerash Rama.
Postimi i Ramës:
ALVINI PO KTHEHET NË SHTËPI
Pas një jave në kufirin sirian, së bashku me një skuadër speciale të policisë sonë dhe në bashkëpunim të ngushtë me partnerët italianë, ministri ynë i brendshëm po përcjell në këtë moment Alvinin në Ambasadën italiane në Beirut, prej ku vogëlushi shqiptar do të pajiset me dokumentet e nevojshme e do të fluturojë drejt babait në Romë
Një falenderim i veçantë për kryeministrin Giuseppe Conte, i cili u angazhua personalisht në ndjekjen e operacionit për palën italiane
Faleminderit edhe dy organizatave humanitare që u bënë pjesë jetike e këtij operacioni tejet kompleks e të rrezikshëm, pa harruar konsullin e nderit të Shqipërisë në Liban, që luajti një rol të pazëvendësueshëm
Por për ne, përpjekja nuk mbyllet këtu, sepse fëmijë e gra nga Shqipëria vazhdojnë të jenë peng në kampin-burg prej ku arritëm të nxjerrim Alvinin…
