Dënimi i UEFA-s duke se i ka shkatërruar korçarët. 10 vite të përjashtuar nga kompeticionet europiane dhe 1 milionë euro gjobë nuk janë kapërdirë mirë nga Skënderbeu, i cili pësoi edhe humbjen e dytë radhazi.
Një javë më parë ekipi i drejtuar nga trajneri Ilir Daja u mposht 2-1 në Shkodër nga Vllaznia, ndërsa tani merr edhe goditje e dytë nga Flamurtari në Korçë, në Kupën e Shqipërisë. Gjysmëfinalja e parë ka përfunduar me rezultatin 0-1 në stadiumin “Skënderbe”, ku vendasit shpërdoruar edhe një penallti me Muzakën.
Kështu, vlonjatët kanë fituar takimin e parë me bardhekuqtë falë një goli të realizuar nga Alves tetë minuta para fundit të ndeshjes. Një avantazh i rëndësishëm ky për miqtë, të cilët do të kërkojnë ta mbrojnë pas dy javësh, kur do të luhet ndeshja e kthimit.
