Trajneri i Juveëntusi, Massimiliano Allegri, në konferencën për shtyp para ndeshjes së madhe përballë Real Madrid në Champions League e cila zhvillohet të martën në 20:45 në “Allianz Stadium”. Një përballje mjaft e vështirë për bardhezinjtë të cilët e kanë të freskët disfatën e “Cardiff-it” në finalen e sezonit që lamë pas, ku madrilenët u kurorëzuan kampionë.
Por për teknikun italian nuk është një sfidë hakmarrje, ai e cilëson si ndeshjen më të rëndësishme, pasi po përballet me ekipin më të mirë në Champions. Lajmi i mirë është rikthimi i Alex Sandros dhe Mario Mandzukic, të cilët duket se do të jenë gati për sfidën e radhës.
“Nesër do të ishte mirë të shënojmë dhe të mos pranojmë gol. Do ta zhvillojmë ndeshjen e parë nga dy kundër një skuadre të madhe. T’i eliminojmë do të jetë diçka e madhe sepse janë favorit në Ligën e Kampionëve. Tifozët duhet të jenë me ne, ky ekip është duke bërë diçka të madhe”.
“Cardiff? Nuk mendojmë për hakmarrje, por ta tregojmë zhvillimin e ekipit. Mario Mandzukic dhe Alex Sandro janë të gatshëm për ndeshjen ndaj Real Madridit. Në vend të Miralem Pjanic do të luajë Claudio Marchisio ose Rodrigo Bentancur. Ende nuk kam vendosur as mes Daniele Ruganit dhe Andrea Barzaglit”.
“Paulo Dybala do ta zhvillojë një ndeshje të mirë sepse është në formë dhe është zhvilluar shumë edhe në mentalitet”, ka thënë Allegri.
